„Фидбек бенд” имаат нов пејач, им се придружи мајсторот за журки – „Се договоривме за пет минути”
Момците од познатата музичка група Фидбек бенд ја известија својата публика дека од неодамна имаат промена во нивниот состав.
Имено, тие и нивниот довчерашен член, односно пејач, решија да ја прекинат соработката и секој да продолжи понатаму во кариерата.
Меѓутоа, момците од групата не губеа многу време, па во своите редови и официјално го донесоа познатиот пејач Александар Тасевски, кој пак позади себе има богата музичка историја.
View this post on Instagram
Маркетинг
„Почитувани, со огромно задоволство ви ја објавуваме новата етапа во нашата музичка приказна! Нашиот бенд започнува соработка со исклучително талентираниот пејач Александар Тасевски, кој од денес официјално е дел од нашиот тим. Подготвени сме да ви понудиме нешто ново, модерно и уникатно. Доаѓаме со уште повеќе емоции и полна енергија заедно со нашиот нов член“ – стои во соопштението кое го објавија членовите на музичката група.
Своето задоволство од новата соработка не го криеше ниту Александар Тасевски, кој истакна дека му претставува голема чест што добил покана да биде дел од “Фидбек Бенд”.
