Три феноменални модни изданија на Меланија Трамп
Модните магазини од целиот свет пишуваат за Меланија
Првата дама на Америка не престанува да не воодушевува со нејзините прекрасни модни комбинации што ги носеше за време на азиската турнеја на која што го придружува нејзиниот сопруг и претседател на Америка, Доналд Трамп.
Таа при посетата на Кина се појави во црн фустан со должина до подот зачинет со раскошен вез со цветови, а кој го носеше во комбинација со рамни обувки и дискретна шминка.
Прекрасната Меланија не воодушеви и со комбинацијата што ја носеше за време на посетата на Зоолошката градина во Пекинг каде што беше со првата дама на Кина. Таа за оваа пригода носеше црна блуза, преубаво длабоко сиво здолниште со детали од тантела и скапоцен црн капут, а целата комбинација ја зачини со елегантни балетанки.
Сите беа воодушевени од ова беспрекорно дамско издание на Меланија, но кога вечерта се појави на настанот „Great Hall of the people“ ги остави без зборови и најголемите критичари на нејзиниот стил. Имено, таа за оваа пригода се појави во кимоно долго до подот зачинето со традиционални кинески шари и розови крзнени детали на ракавите, а целата комбинација дополнително ја „подигна“ со елегантни високи потпетици во розова боја.
Па кое од овие три изданија на Меланија ви се допаѓа најмногу?
