На 13-ти јануари се празнува Стара Нова година – еве зошто ја празнуваме

На 1-ви јануари ја дочекавме новата година според светскиот календар, но на 13-ти се празнува Стара Нова година.

ФОТО: Freepik

Новата година која започнува на 1-ви јануари се слави според Грегоријанскиот календар и истиот е најприфатен во светот. Но, оние земји кои го користат јулијанскиот календар, ги празнуваат и верските празници Обрезание Господово и Свети Василиј Велики се празнуваат на 14-ти јануари. Оттука произлегува и поимот Стара Нова година кој се празнува вечерта на 13-ти јануари.

Имено, за многу верници годината почнува токму на 14-ти јануари, а другото е само формалност. Оние земји кои го користат Јулијанскиот календар, на 1-ви јануари празнуваат државен празник.

Карактеристично за Стара Нова година е тоа што во некои места се замесува погача со паричка и се постапува исто како на Бадник. Оној кај кој ќе се падне паричката, ќе биде среќен во новата година.

Традицијата за одбележување на Стара Нова година се’ уште се негува во нашата земја, но и во Србија, Белорусија, Русија, Црна Гора, Украина, Ерусалим, но и во некои германски кантони во Швајцарија, а исто така и во некои делови на Галската заедница во Шкотска.

Facebook Comments
(Visited 159 times, 1 visits today)