Нането не се користи само за во кујната – еве како да го употребите во корист на вашата убавина

Нането не се користи само за во кујната или за лечење на некои здравствени проблеми. Тоа се користи и во козметиката, а еве како можете да го употребите.

Нане како пилинг за стапала

Еден од најдобрите и најпрочуените начини за да го искористите нането во козметиката, е да направите освежувачки пилинг за вашите стабала. Тоа добро ќе делува на уморените стапала, има ефект на ладење и ја ублажува болката во мускулите.

Потребни состојки за подготовка на пилинг:

• 1 чаша шеќер
• 1/2 чаша маслиново масло
• 1/2 чаша исечкано нане
• 2 лажички овесна каша

Откако ќе го подготвите пилингот, едноставно премачкајте ги вашите стапала со нежни, кружни движења.

Нане за нега на косата и кожата

Нането содржи противвоспалителни и антикбактериски својства. Исто така го поттикнува и растот на косата, го решава проблемот со суви влакна, го зајакнува коренот на косата. Едноставно земете неколку листови нане и накиснете ги во вода и оставете ги да стојат околу 20 минути, а потоа процедете. Користете ја оваа вода за измивање на косата.

Нането помага при враќање на pH вредноста на кожата, содржи салицилна киселна која помага во борбата против акните, а тоникот од нане ви помага да го отстраните проблемот со отворени пори и да ја отстраните нечистотијата од вашето лице. За таа цел можете да измешате неколку листови нане во блендер, потоа да додадете ладна вода и да го процедите сокот, па свежата смеса да ја нанесите на лицето и вратот.