„Колоритните и убаво дизајнираните едиторијали можат да се најдат ’зад секој агол’, но многу ретко се наоѓаат оние кои даваат чувство на мистичност и убавина во едно!“
Едиторијалот „Замислен пријател“ (Imaginary Friend) од Ellen Rogers, за модното издание на магазинот Vice, e заводливо мрачно, кое лесно вознемирува додека се восхитувате на неговата убавина. Ellen Rogers ја креира комплетната слика на својата замисла, вклучувајќи две девојќи кои изгледаат како духови со вампирски бледа кожа , долга темна коса и мрачна шминка. Исто така и гардеробата за моделите е повеќе од само добро вклопена во композицијата на секоја фотографија – напротив, секое парче облека е толку совршено од естетски аспект и идеално во контекстот на есенцијалноста на фотографијата.
За единствениот, оригинален и афективен изглед на фотографиите, Rogers не користи ништо повеќе од специфична аналогна техника при нејзината работа. Ниту Photoshop, или некој друг софтвер за манипулација со фотографија нема „замешано прсти“ за да се креираат ефектите при изработка на истите. Фотографката само манипулира со фотките во темната соба, користејќи old school техники.
Замислениот пријател на Ellen Rogers можеби ќе направи да почувствувате морници, но фотографиите ќе ве заслепат со убавина и остават со зината уста, и со многу коментари најверојатно!
За останати текстови, кликни тука!
