Еди Рама VS Федерика Могерини – кој е полошо облечен?
Високата претставничка за надворешна политика и безбедност на ЕУ, Федерика Могерини разговараше со премиерите на западен Балкан. Бидејќи стануваше збор за неформални разговори, балканските политичари тоа го сфатија како прилика да се појават во малку поопуштено издание, а Еди Рама, премиерот на Албанија изгледаше најоткачено. Имено тој се појави со маица со интересен дезен, панталони со малку чуден крој (кои не му стојат воопшто), сако во сина боја и тренди патики! Ако ја анализираме целата комбинација најголем проблем се панталоните кои повеќе потсетуваат на чакшири, или уште полошо, на тренерки, што е голем минус за него! Маицата и патиките се ОК, но Еди целата комбинација дополнително ја „однесе“ во непосакуван правец и со сакото во впечатлива сина боја.
Но ако малку подобро ја погледнете фотографијата ќе забележите дека не е само неговиот стајлинг однесен со виорот на оваа фотографија. Имено и Федерика беше облечена во неформален стил, но она што е потполно недозволиво (и за нас потполно несфатливо!) за ваквите политички пригоди се нејзините папучи со отворени прсти.
Па, што мислите, кој од нив двајцата е полошо облечен?