За Близнаците се вели дека се особено привлечни личности и дека ги краси голема интелигенција. Секако дека овие особини не можат да се негираат, но постојат и некои негативни карактеристики кои другите не им ги поднесуваат. Во продолжение откријте за кои станува збор…
Не се во состојба да донесат одлука
Припадниците на овој хороскопски знак едноставно не се во состојба брзо да донесат одлука. Двојноста на нивниот карактер ги тера постојано да го менуваат мислењето, па во еден момент да сакаат едно, а во друг друго.
Не трпат да бидат сами
Се работи за особина која директно се коси со нивната природа. Близнаците не сакаат да бидат заробени и секогаш мора да бидат во добро друштво. Затоа, секогаш ги терат своите блиски да се дружат, не земајќи предвид дали тие се уморни, зафатени или едноставно немаат желба за излегување. Вршат притисок се’ додека не попушти другата страна…
Својата нервоза им ја пренесуваат на другите
Бидејќи се со немирен дух и се многу љубопитни личности кои се’ сакаат да видат и чујат, не е ни чудно што Близнаците зрачат со нервозна енергија која не им годи на голем број луѓе. Тие за себе ќе речат дека се забавни и екстроверти, но луѓето со кои се блиски велат дека таа нивна особина ги вознемирува.
