Повеќето луѓе си поставуваат цели и планови кои мораат да ги достигнат и без престанок размислуваат за иднината. Така, целосно забораваат да уживаат во моменталните работи…
На овој начин, телото и мозокот се во постојан грч, па луѓето не успеваат да се приближат до целите. Додека не научите да го гледате животот од една поинаква перспектива, а притоа да се радувате на работите кои се случуваат моментално, секогаш ќе се чувствувате емоционално и физички исцрпени. Парадоксално, но работите кои ги сакате, ќе ве прават нервозни и незадоволни.
Затоа, застанете и започнете го животот со сосема нови принципи. Престанете да очекувате премногу од другите и да создавате илузии. Одлучете да се фокусирате на уживањето во сегашниот момент. Почнете да го ценете она што ви го дава моментот, затоа што и онака иднината ќе дојде. Не можете да ја контролирате судвината и не постои совршен план. Во ред е да имате цели, но да не се држите слепо за нив. Додека трчате кон иднината, животот ви минува пред очи… Сигурно не сакате да се разбудите еден ден и да сфатите дека сте пропуштиле дружење со семејството и пријателите, само затоа што сте биле заслепени од успехот.
