Живеењето подразбира да се подигнете секогаш кога ќе паднете
Животот е постојана борба помеѓу вас и неконтролираната сила која ви создава болка.
Животот е постојана борба помеѓу вас и неконтролираната сила која ви создава болка. Секојдневно секој човек се преправа дека е добро, а многу често тоа не е така. Луѓето попрво би се насмевнале и радосно би комуницирале, додека во својата глава се борат со демони. Никогаш не е лесно да се разбудите и да се соочите со истите грижи кои сте ги оставиле претходната вечер. Но, тоа не е крај на светот. Мора да продолжите со својот живот. Некои луѓе во овој свет се осамени, други се преплашени. Некои умираат од тешки болести, а некои се токму како вас. Секој човек носи одредена тежина на своите плеќи и има битка во својата глава. Без оглед на тоа што се случило, треба да знаете дека не сте сами.
На крајот од денот, самите вие сте свој јунак. Кога се чувствувате слаби, не барајте да ве прегрнат нечии раце, туку станете и бидете самите своја најголема поддршка. Тоа не е едноставно, но сепак е возможно. Сосема е во ред да не се чувствувате добро, да направите некоја грешка или да заборавите нешто. Но секогаш постои нова шанса за да се поправите и да се развиете како личност. А тогаш ќе биде поинаку, зашто веќе ќе имате искуство и ќе можете да се однесувате поинаку. Животот покрај другото носи и болка и порази. Без оглед на тоа што чувствувате, мора да станете и да се борите.
На вас останува одговорноста да го водите својот живот. Бидете храбри. Бидете борци. Запаметете дека секогаш постои надеж, па, направете си услуга и никогаш не се откажувајте.
