„Боже, те молам биди ни на помош и олесни им ги страдањата на сите болни“

Молитвата може да ни го даде потребниот мир и да ни ја врати потребната верба… Во продолжение прочитајте една молитва која ќе ви даде трпение и сила.

ФОТО: unsplash.com

Господе, ти знаеш што значи страдањето. Утеши ме и дај ми сила за да сфатам дека во моето страдање не сум сам, дека те имам тебе. Ти благодарам за вербата и надежта која ми ја даваш, фала и за твоите рани кои зборуваат повеќе од сите зборови. Прости ми за моментите на слабост кога бев тажен и окга не знаев дали можам да го отворам срцето кон твојата љубов. Господе, знам дека ме разбираш.

Биди со мене и зајакни го мојот дух, па твојата љубов во мене секогаш да победува. Те молам Господе, подари ми телесно здравје и со него ново светло во мојата душа за да можам да продолжам да ти служам. Ти заблагодарувам Боже за оние кои ги испрати на мојот пат и кои ми помагаат со својата присутност, со своите примери, со својата работа и своите молитви.

ADVERTISEMENT

Те молам Господе, биди им на помош и олесни им го страдањето на сите болни кои поминуваат низ тешки животни моменти или се во животна опасност. Мене додели ми љубов и разбирање, за да можам да им помогнам, да ги утешам, да ги охрабрам и така да го олеснам нивното страдање.

Биди секогаш со нас, Господе, а ние ќе ти ја довериме својата љубов.

Амин.

Facebook Comments
(Visited 375 times, 1 visits today)
Loading...