Познатата британска дизајнерка Викторија Бекам за онлајм магазинот The Edit зборуваше за своето минато, но и сподели неколку интересни бјути совети.
Имано, таа призна дека порано мислела дека е сосема ОК да носи ПВЦ комбинезон и на Дизниленд да се појави во лобутинки, па дури и кога била во деветтиот месец од бременоста. Но во последно време многу ретко и се случуваат вакви модни грешки, и покрај тоа што папараците ја следат на секој чекор.
Но, токму затоа таа денес важи и за една од најпознатите модни икони. Што се однесува до нејзините бјути ритуали, Викторија за магазинот ја откри тајната како ја негува нејзината кожа и зошто нејзиното лице секогаш изгледа беспрекорно. Имено, Викторија како и многу дружи жени имала голем проблем со акни, а нејзиниот дерматолог и кажал дека мора да јаде лосос секој ден ако сака лицето да и биде чисто.
Покрај ова таа ги критикуваше и жените кои ги „спуштаат“ другите жени. „Немам време за жени кои не ги поддржуваат другите жени. Најдобрите комплименти се токму оние кои ги добивате од жените“, вели познатата дизајнерка.
