Бикот е знак во Зодијакот кој има најголемо срце и најдобра душа. Неговите емоции се секогаш изразени, топли и нежни. Бикот е човек кој вреди да го имате до себе и да го чувате со сета своја моќ.
Многу е трпелив, но и изразито тврдоглав. Со него е тешко да се излезе на крај поради тие негови особини, кои астролозите ги сметаат за доблес. Не дозволува секој да му се меша во неговите одлуки и мислење, затоа што добро размислил за своите постапки, уште многу одамна.
Не знае за граници кога е во прашање помагање на своите блиски. Семејството секогаш му е на прво место и никогаш не би направил нешто со што би ја загрозил безбедноста и удобноста на своите блиски. Дури е подговен да се откаже од својата среќа за да ги задоволи луѓето кои му се важни.
Еден од најголемите квалитети што ги поседува овој хороскопски знак, е тоа што кога еднаш ќе го насочи умот кон нешто, ретко го менува правецот на размислување. Бикот се фокусира на тоа што го има и никогаш не се откажува. Стабилни финансии, чувство на лична вредност и реализирање на амбициите, се едни од најважните нешта за Биковите.
Бикот е еден од знаците на кои секогаш можете да сметате кога ви е тешко. Верен е, понекогаш и премногу, при што честопати пати поради таа своја добрина. Многу работи и тешко се тргнува од својот зацртан пат, љубовна врска или работа.
Природната убавина на бикот вистински блеска кога тој е заљубен. Тој е многу искрен, лојален и предан партнер, кој обожава да се гушка и да се бакнува со својот љубен/а. Бикот сака да разменува допири и чувства со својот партнер, па што повеќе е присутен физичкиот контакт во неговата врска, толку подобро за неа. Претставниците на овој знак се фокусирани на нивната љубовна врска и тие воопшто не се плашат да се „врзат“. Всушност, тие најбезбедно се чувствуваат во длабока и сериозна врска.
Кога еднаш ќе се зближат со нивниот партнер, на биковите им е многу тешко да се разделат од него. Раскинувањата можат буквално да го растројат бикот. Ним им е многу тешко да иницираат прекин на врската. Тие се стабилни индивидуи и токму таа нивна потреба за стабилност го попречува нивниот капацитет за критичко размислување. Биковите може да имаат тешкотија да ги изолираат негативните особини на нивниот љубовен партнер и да забележат дека нивната врска едноставно не функционира.
И покрај тоа што има разлика во карактерните особини од еден до друг бик, една е дефинитивно заедничка за сите – тие знаат како да ја завршат започнатата работа. Овие луѓе не се многу брзи додека работат, но тие со сигурност ќе ја завршат квалитетно, внимателно, целосно и темелно секоја задача која стои пред нив.
Па, бидете благодарни ако до себе имате Бик, затоа што тоа значи дека до себе имате неизмерна поддршка и најголем извор на љубов и разбирање!
