Пронајдовме од каде да го купите фустанот во бојата на смарагдите што го носеше Бијонсе
Бијонсе во секси фустан во кој изгледа подобро од кога било досега
Три месеци по раѓањето на близнаците Сира и Рума, Беј се појави со својот сопруг на еден настан на кој ги воодушеви сите со својот изглед. Таа на хуманитарниот настанот Diamond Ball кој традиционално го организира нејзината колешка Ријана се појави во сатенски фустан на преклоп во зелена боја кој и стоеше фантастично.
Смарагдно зелениот фустан е со длабок прорез и со нешто подлабоко деколте со кои пејачката ги истакна своите препознатливи облини. Што се однесува до цената, искрено очекувавме дека е многу поскап отколку што навистина е – имено креацијата е од брендот „House of CB“ и чини околу 150 евра што воопшто не е преголема сума ако земеме во обѕир дека станува збор за дама којашто може да си купи што и да посака.
Бијонсе фустанот го носеше со опасни високи црни сандали со дебели потпетици со кои дополнително ја подигна целата комбинација и внесе малку шик од 70-тите години, додека косата и беше пуштена, со нежни бранови, а лицето покриено со децентна шминка.
Па, што велите за ова издание на Бијонсе?
