Вкусните десерти никого не оставаат рамнодушен, нели? Направете го овој едноставен рецепт и уживајте во прекрасните вкусови…
Foto: nespresso
Состојки
350 мл. свежо мрсно млеко
1 јајце
40 гр. шеќер
25 гр. густин
200 гр. бело чоколадо
2 шолји сварено благо кафе
Начин на подготовка
Сварете го млекото на тивок оган. Во сад изматете го јајцето, шеќерот и густинот со жица. Кога млекото ќе се свари тргнете го од ринглата и во тенок млаз додајте го јајцето матејќи со жицата. Вратете уште неколку минути на огнот и мешајте со дрвена лажица додека смесата не се згусне малку. Потоа додадете го чоколадото и измешајте го за да се стопи.
Подгответе неколку мали чаши или длабоки чинии, ставете го во нив загреаниот крем и оставете да се излади. Кога кремот ќе се излади во секоја чаша додадете малку од подготвеното кафе. По желба додадете и шлаг.
Почекајте да се излади па уживајте во десертот.
