Маскара во боја: производ кој мора да го имате оваа сезона

За многумина, маскарата е неизбежен дел од секојдневната бјути рутина.

За многумина, маскарата е неизбежен дел од секојдневната бјути рутина. Во потрагата по нова маскара, секогаш ја бараме она којаа максимално ќе ги продолжи нашите трепки, ќе им додаде волумен и ќе ги истакне во црна боја. Иако многумина љубителки на маскарите секогаш посегнуваат за маскара во црна боја, сепак, познатите брендови оваа пролет и лето си поиграа со омилената класика и воо својата колекција вметнаа и маскара во цела палета различни бои.

До сега полиците во козметичките продавници ги исполнуваа различни маскари во интензивна црна боја, но, оваа сезона црната маскара е далеку од единствен избор. Светлите црвени тонови, портокалови, сини и розови во неколку потези ќе ви создадат неверојатен изглед, додека нијансите на зелена, кафеава и темноцрвена боја ќе ви донесат благ, но забележителен изглед. Баш како и румениллото и сенките, маскарата во боја оваа година ќе внесе различност во вашата козметичка торбичка, која ќе ви даде еден нов, свеж и пријатен изглед. 

Впечатлива и различна, оваа маскара брзо ќе стане дел од вашата секојдневна рутина за шминкање, а летното време е идеално за испробување!