Мажите и жените се како небото и земјата: Неколку разлики кои сигурно ќе ве насмеат

Луѓето отсекогаш се обидувале да сфатат што ги прави мажите и жените толку различни.

Луѓето отсекогаш се обидувале да сфатат што ги прави мажите и жените толку различни. И до ден денес таа мистерија не е разрешена. Но, изгледа дека сепак има вистина во старата изрека дека мажите се од Марс, а жените од Венера. Еве неколку разлики кои сигурно ќе ве насмеат.

1. Прекари

Жените една со друга се нарекуваат со слатки имиња. Така, Ана е Аничка, Снежана е Снеки, а сите останати се „мила“, „драга“… Никогаш не можете да слушнете како мажите го изговараат ова. За нив постои име, прекар или евентуално додаток „брат“, „друже“…

2. Плаќање сметки

За време на заедничко излегување, мажите за сметка од 1.800 денари ќе извадат по илјада денари. Никој ќе нема ситно и нема да чека кусур. Жените прецизно ќе израчунат колку треба да плати секоја од нив.

3. Патување

Доколку жените се изгубат, ќе застанат некој и ќе прашат за насоката. Мажите ретко ќе признаат дека се изгубиле.

4. Брак

Жените по мажењето се надеваат дека ќе го променат својот партнер, но никогаш не успеваат во тоа. Мажите се надеваат дека по свадбата нивната партнерка нема да се промени, но тоа редовно се случува.

5. Будење

Кога се будат, мажите изгледаат исто како и кога си легнале. На жените нешто им се случува во текот на ноќта, па утрото не личат на самите себе.

6. Деца

Жените знаат сѐ за своите деца: Кога имаат закажан термин кај заболекарот, која храна им е омилена, кои им се најдобри пријатели…Мажите се спремни за забава и бројни лудости, но некои работи едноставно не ги паметат.

7. Иднина

Жените се плашат за иднината додека не пронајдат сопруг. Мажите НЕ СЕ ПЛАШАТ за иднината, сѐ додека не пронајдат сопруга.