Најновиот тренд кој веќе почнува да се шири на Инстаграм, се змејските веѓи.
Најновиот тренд кој веќе почнува да се шири на Инстаграм, се змејските веѓи. Самоуката 23-годишна шминкерка од Орегон, која се претставува само како В или Харлиби, го смислила овој нов изглед на веѓите наменет за оние најхрабрите.
За да ги добиете ваквите веѓи потребно е со помош на четка да ги обликувате влакната во 6 делови. Оваа девојка секој ден е сѐ повеќе популарна, а фотографиите на кои таа го прикажува ваквиот изглед сѐ повеќе се лајкувани и споделувани ширум светот.
„Видов шанса да се оттргнам од вообичаените рамни или строго дефинирани веѓи и да се позабавувам со нов облик“, изјавила таа.
Но, она што е посебно е што таа е само почетник. Во моментот кога го објавила овој изглед на веѓите, таа работела само околу три седмици во оваа професија.