Монохроматска шминка: Сѐ што ви е потребно за наредните сезони
Не е непознато дека монохроматскиот изглед е тренд кој веќе долго време е популарен, но најчесто се подразбира дека се однесува на модата, а не на шминката.
Не е непознато дека монохроматскиот изглед е тренд кој веќе долго време е популарен, но најчесто се подразбира дека се однесува на модата, а не на шминката. Но, сега тоа се менува. Од разните парчиња облека, монохроматскиот тренд се пренесува и на начинот на шминкање, кој оваа сезона е еден од најпосакуваните. Всушност, овој начин на шминкање подразбира да имате ист тон на шминка на усните, очните капаци, лицето…
Најпопуларни бои за монохроматски начин на шминкање се нијансите на кајсија, розова и nude нијанси, но и сите бордо и кафеави тонови кои се користат кога сакате да имате понагласена шминка и повпечатлив изглед.
Овој тренд не е прифатен само од страна на девојките кои обожаваат да ја следат модата и најновите случувања, туку и од познатите личности и девојките кои немаат навика да ги следат трендовите.
Имено, овој тренд бил популарен во текот на осумдесеттите години од минатиот век, кога девојките и во текот на денот носеле „агресивна“ шминка, па комбинирале исти бои на усните, очите и образите. Па, слободно може да се каже дека монохроматскиот начин на шминкање е еден од најголемите хитови во сезоните кои следуваат!
