Погледнете како да го скриете подбрадокот со помош на шминка и облека

Стареењето е нормален природен процес кој не можете да го избегнете, но можете да го одложите.

Стареењето е нормален природен процес кој не можете да го избегнете, но можете да го одложите. Здравата и урамнотежена исхрана, активниот начин на живот и чувањето од прекумерно изложување на сонце, е еден начин за да си осигурите прекрасна кожа со што помалку брчки. Но, дали сте знаеле дека подбрадокот можете да го сокриете и со помош на шминката, облеката но и фризурата? Ако научите како да го правите ова, вие ќе го намалите бројот на годините кои ги имате и ќе се чувствувате многу подобро.

Вистинската фризура е важна доколку сакате да сокриете некои недостатоци на вашето лице. Нема да погрешите ако се одлучите за средна должина на косата. Најдобра фризура е боб фризурата чијашто должина е под брадата. Избегнувајте долга и рамно сечена коса. Ако сакате долга коса, тогаш најдобро е да побарате од вашиот фризер да ви направи степен на косата.

Совети за отстранување на шминката кои ќе ви бидат од голема корист >>

Подбрадокот можете да го сокриете и со помош на бронзер кој е совршен за вашето лице, затоа што му ја дава потребната свежина. Тој мора да биде неколку нијанси потемен од пудрата. Најдобро е да го нанесете со помош на дебела четка.

Освен со бронзерот, можете да се послужите и со руменило. Со помош на руменилото ќе ги истакнете јаболкниците, а со моливче и туш ќе ги истакнете очите кои ќе изгледаат поголеми отколку што се. На овој начин ќе го отстраните вниманието од брадата.

Погледнете која боја на сенка е најбарана за венчавка >>

Избегнувајте ролки, маици и кошули кои се закопчуваат до грлото, затоа што на овој начин ќе го избегнете истакнувањето на брадата. Ако сакате да носите накит, никогаш не ставајте ѓердан кој е залепен за вратот, затоа што на овој начин само уште повеќе ќе го истакнете подбрадокот.