Лоша навика. Зошто доцниме?

Причини поради кои доаѓа до оваа лоша навика.

Премалку сон

Овој сегмент се однесува на раните утрински часови, што на оние кои сакаат да спијат подолго им претставува најголем проблем. „Само уште 5 минути“ е реченицата со која многумина го започнуваат работниот ден. Но, всушност тоа е причината поради која секое утро го започнуваат хаотично, а на крајот сепак доцнат. Решението е едноставно, заминете во кревет порано и наспијте се колку што ви е потребно.

„Само уште ова“

Истражувањата покажуваат дека ова е една од главните причини за доцнењето. Ако постојано се обидувате да направите „само уште една работа“, на пример, да одговорите на некој мејл, да погледнет уште некоја сцена од вашата омилена серија или да завршите некоја домашна работа, вие веројатно спаѓате во оваа група. Обидете се да ги подредите обврските според приоритетот и вашиот проблем ќе биде решен.

Заборавеност

Нема ништо полошо од панично барање на клучевите, новчаникот, мобилниот телефон секунди пред да излезете од дома. Но, уште полошо е кога на патот до договореното место ќе се сетите дека нешто што ви е потребно сте го заборавиле, па морате да се вратите по него. Ова е честа појава, а причината е лоша подготовка.

Лоша организација на времето

Една од причините зошто секогаш правиме се во послед час, што речиси секогаш резултира со доцнење е организацијата на времето. Неможноста да ги постигнете дневните обврски е резултат на лоша организација, односно пренатрупан распоред. Потрудете се да ги планирате обврските така што ќе го калкулирате максималното можно времетрање на истите и вашиот проблем ќе исчезне.