Ние го поддржавме здравјето на мажите, а вие?
Минатата недела „Movember Macedonia“ го собра сите “мустактивисти“ од Македонија на забава во Капитол Мол каде ја имаа можноста да си ги “покажат” мустаќите, да донираат и да бидат информирани за предизвиците врз здравјето со кои се соочуваат мажите, но и да бидат дел од Моемврискиот базар на производи за мажи од спонзорот Biotherm Homme.
Моември забавата се одржа во Капитол 4Боулинг на 3 кат во Капитол Мол каде цените на една партија куглање и половина час билјард беа симболични 100 денари кои ќе се испратат во Movember фондот.
Секој може да се вклучи во движењето, претежно преку подигнување на свеста за болестите и донирање на светската интернет страна на Мовембер.
Глобалното движење ги дистрибуира донираните средства во здравствени установи и лаборатории низ многу држави во светот.
Затоа, доколку оваа година не бевте дел од ова збиднување, ќе имате можност тоа да го направите наредниот ноември.
А до тогаш отворено зборувајте за болестите кај мажите…
