Нова техника за бојадисување на коса која го освојува Инстаграм

Новата техника во боење на коса „tigereye“ по се изгледа ќе биде попопуларна од „balayage“ техниката за која веќе ви пишувавме (прочитај повеќе за ова тука), а инспирирана е од древните драгоцени камења.

Оваа техника преку хаштагот #tigereyehair веќе го има главниот збор на Инстаграм, а најубавите примероци од новиот тренд можете да видите на следниве фотографии. Името Tigereye или Тигарско ого го има добиено од древниот драгоцен камен во кафеава боја со златни риги кој ги инспирирал фризерите да ги направат прекрасните прамени богати со кафеава и златни нијанси. Всушност станува збор за техника која е многу слична на „balayage“ техниката  бидејќи прамените изгледаат потполно природно, овој пат во нијанси на карамела и чоколадно кафеава боја. Ако сакате да ја постигнете оваа фризура треба топлите темно кафеави прамени да ги бојадисате во златно руси, а колку прамените се посветли, толку подобро ќе ви сјае бојата, особено ако вашата коса е виткана на која овие прамени стојат најубаво.

https://www.instagram.com/p/BMMI8qoFoOY/

Па, доколку имате топла кафеава коса, зошто да не ја пробате оваа фризура? Можете да скокнете до вашиот фризер (види тука) или да пробате сами да ја направите истата.

Ако ви е потребна инспирација, погледнете ги фотографиите што следуваат  >>