Топ вежби за регенерација на целото тело: Триминутна програма по која полуде целиот свет!
Тибетанската утринска гимнастика го подмладува духот и претставува вистинско енергетско освежување.
Пет пози или пет Тибетанци се вежби стари четири илјади години кои до ден денес се сочувани во изворен облик и се толку делотворни за организамот што немаат конкуренција. Воведете ги овие вежби во вашиот живот и за кратко време ќе почувствувате подобрување на целокупната здравствена состојба. Овие вежби го истегнуваат телото, ја зголемуваат енергијата, ги стимулираат жлездите со внатрешно лачење и сите седум чакри, а исто така и го зајакнуваат имунитетот. Најинтересно од се е тоа што воопшто не се тешки. За почеток ќе ви требаат само 3 минути за целата серија, а подоцна најмногу 16.
1. Застанете исправено со рацете испружени на страна. Држете ги прстите споени, дланките се отворени и свртени надолу, стапалата се во линија на рамењата. Свртете се за цел круг во правец на стрелките на часовникот. Додека се вртите длабоко вдишувајте и издишувајте. Едно свртување е едно повторување. Ако почувствувате мачнина, а во почетокот може да се случи, откако ќе завршите со вртењето, застанете со испружени раце и фокусирајте се на споените палци додека нелагодноста не ви помине.
2. Легнете на грбот на рамна тврда подлога. Испружете ги нозете, рацете се покрај телото со дланките свртени кон подот. Вдишете низ носот, кренете ги нозете (малку над 90 степени) и кренете ја главата така што се повеќе ќе се приближите кон градите. Полека, со издишување, спуштете ја главата и нозете.
3. Клекнете со исправени стапала потпрени на прстите. Колената треба да бидат малку раздвоени, а карлицата во линија со грбот. Ставете ги рацете на задникот и навалете ја брадата кон градите. Со вдишување придвижете ја главата што е можно подалеку наназад. Задржете го воздухот на кратко и потоа со издишување вратете се во првобитната положба.
4. Седнете со испружени нозе. Ставете ги дланките на подлога во ширина на колковите, додека карлицата е исправена, а главата наведната на градите. Вдишете, кренете ги колковите и свиткајте ги колената, а главата спуштете ја кон подот така што ќе формирате мост. Задржете се на кратко во оваа положба и потоа издишувајќи вратете се во првобитната седечка положба.
5. Почнете ја оваа вежба така што ќе го придржувате телото на испружените раце, со дланките и стапалата потпрени на подот. Главата е крената наназад. Со испружени раце и нозе, вдишувајќи, кренете ги колковите и ставете ја главата на градите за да направите положба на триаголник. Со издишување вратете се во почетната положба. Освен дланките и стапалата, за време на изведувањето на оваа вежба не смеете да го спуштате телото на подот.
Правило што треба да се следи:
Најдобро е да ги правите вежбите наутро, околу половина час откако ќе се разбудите, и пред појадокот. Првите седум дена се прават по три повторувања од секоја поза. Потоа, втората недела четири, третата пет, и се така постепено зголемувајќи се додека не дојдете до бројот 21. Ова е бројот на повторувања што треба да се почитува кога ќе ги правите Тибетанците.
{youtube}1_jSnv1gjyk{/youtube}
Извор: bizlife.rs
