Прочитајте во кратки црни што ќе биде во тренд следната пролет според она што го видовме на модните ревиите во Њујорк, Лондон, Милано и Париз.
Познатите дизајнери ги претставија своите креации и трендови кои сметаат дека ќе бидат актуелни следната сезона, а модните магазини веќе почнаа да ги истакнуваат оние што остави најголем впечаток и за кои сметаат дека ќе заживеат и на улиците. Она што беше воочливо во речиси сите колекции беа пренагласените и предолгите ракави за кои уште сега можеме да кажеме дека ќе бидат еден од водечките трендови за следната сезона. Тука е и краткиот топ со должина до градите, униформи, проѕирни материјали, впечатливи дезени…
Што се однесува до боите, следната пролет класичната палета со префинетите пролетни бои оди заедно со силните впечатливи бои и дезени, а главниот акцент е на жолтата и на сите нијанси на сината боја.
Кога се кроевите во прашање пак, фокусот е ставен на необичните рамениците, ракави и струкот, како и на голиот грб. Не треба да ги заборавиме и маиците со логоа, потоа војничките јакни и облеката што потсетува на пиџами, како и дезените со мачки кои следната сезона очекуваме да ги видиме насекаде. Кога се дизајнерите во прашање посебно сме изненадени од Џон Галијано и од неговите фантастични креации за „Maison Margiela“ како и речиси од сите парчиња од Vetements – бренд кој едноставно го обожаваме. Новата колекција се состои од редизајнирани парчиња кои повеќето од нас веќе ги носат, како парки јакни, дуксерки, фустани…
Моделите во главно се предимензионирани, а голем дел од колекцијата е направен во кооперација со други креатори, што е еден од новитетите во преставувањето на колекциите на официјалните модни ревии.
