Рецепт за брзи и вкусни турски погачки
Потребни состојки:
Тесто: 500 g брашно, 1 ќесичка квасец, 300 ml топло млеко, 50 ml масло, сол.
Фил: 400 g мелено јунешко месо, 1 главица кромид, 2 пиперки, 1 домат, малку магданос, сол, бибер, зачини по желба, црвен пипер.
Подготовка:
Додате го во брашното квасецот и малку сол и замесете средно меко тесто, додавајќи топло млеко и масло. Оставете го тестото да отстои околу 1 час. Исечкајте ги ситно кромидот и пиперките и пропржете ги на малку масло, а потоа додадете го меленото месо. Продинстајте го месото и додадете го ситно исечканиот и излупен домат, како и малку доматен сос, сол, бибер, зачини и црвен пипер. Пред крајот додадете го и ситно исечканиот магданос. Направете 8 топчиња од тестото. Посипете малку брашно на подлогата и потоа секое од топчињата развлечете го до големина на палачинка. На едната половина од тестото ставете 2 лажици од филот, оставајќи малку простор околу краевите на тестото.
Преклопете со другата половина од тестото и малку свиткајте ги краевите. Загрејте една поголема тава со малсо, наредете ги погачките и печете додека не поруменеат од двете страни.
Извор, фото: domaci-recepti.blogspot.com / kuhinja-i-ideje.blogsopt.com
