Првото кафуле за кучиња на Јадранското море: „Подобро да работите со нив, отколку со луѓе!“

Секое лето, туристите кои патуваат со своите домашни миленици мораат внимателно да изберат на која плажа, хотел или апартман ќе се сместат, но во познатото туристичко место Црквеница, во Хрватска, кучињата добија и свое кафуле.

Како што пишува РТЛ, во Црквеница е отворен првото хрватско кафуле за кучиња, а во кое понудата навистина е летна – сладолед, пиво и чипс.

„Минатата година сладоледот беше вистински хит. Пивата се онака, 50-50, некои ги сакаат некои, не, а од оваа година имаме и чипс за кучиња кој навистина е генијален и сите кучиња го сакаат“, изјави Игор Монтанари-Кнез, сопственикот на кафулето за кучиња. 

За разлика од луѓето, тука нема кавги во пијанство, иако неговите гости често размислуваат како да ги зезнат наивните „двоношци“. Може дури да се случи и некое куче на луѓето да им го украде сендвичот од чантата или нешто слично, но тоа се гледа со насмевка и нема никакви негативни реакции, вели сопственикот на ова место.

Премини на следната страна >>