Мораш да ги собереш сите – млад татко ловеше Покемони за време на породувањето
И додека Џесика чекаше да се породи со царски рез, нејзината подобра половина чекаше да се појави неговиот покемон.
Новата игра „Покемон Гоу“ го освојува светот, а најтврдокорните гејмери излегуваат на светлото на денот кога ќе ги соберат сите. Познатата апликација ја искористи и таткото Џонатан Теорист од Тексас кој за време на породувањето на неговата сопруга Џесика се бркаше со неговите виртуелни „другарчиња“. И додека Џесика чекаше царски рез нејзината подобра половина го чекаше новиот Покемон, обидувајќи се да го пронајде некаде низ болницата.
„Среќен сум што имам сопруга која го подржува мојот ’покемонски’ начин на живот. Но, ете, ме замоли да не лутам низ болницата, барем додека да стигне детето“, објави Џонатан на Имгур. Сепак, младиот татко своето трето дете го дочека присебен.
А пред да се роди малото девојче, во семејството стигна и малиот Покемон кој ги дочека на болничкиот кревет на неговата сопруга.
