Во денешниот свет на илјадници различни апликации како на пример за фанови на Дизни, за состаноци преку интернет, за високи луѓе, за луѓе алергични на глутен, за бремени жени и сл. дури е и чудно како досега не е измислена апликација за полнички девојки.
WooPlus конечно пристигна! Оваа апликација за состаноци е наменета за полнички жени и мажи кои сакаат облини и покрива дел од популацијата на немажени жени кои бараат партнер преку интернет.
Инспирацијата за оваа апликација дошла од вирално видео во кое се исмеваат полните жени. Авторите на апликацијата решиле да се обидат да ја подобрат ситуацијата посебно земајќи го во предвид и третманот и навредите што ги трпат полните жени што ги користат постоечките апликации за состаноци.
Апликацијата која официјално е пуштена во употреба во ноември 2015 функционира како „Тиндер“ и веќе има 10000 корисници. Целта и е да ги собере големите момци и големите девојки на едно место и да им покаже на големите девојки дека имаат повеќе обожаватели отколку што мислат!
