Повторен УСПЕХ – овој пат со поголем интензитет
Последениот парфем на Lancôme во многу кратко време – за помалку од три години, целосно ги освои женските срца ширум светот.
Денеска, тој е третиот најпродаван парфем во светот, втор најпродаван во Европа и прв во Франција. La Vie Est Belle (во превод – животот е убав!) денес го ужива култниот статус на модерна класика. Неговиот рецепт за успех се чини очигледен: позитивната порака на среќа изразена на универзален начин, со кој секоја жена може лесно да се поистовети. Легендарното шишенце ја одразува карактеристичната насмевка како вистински симбол на радост.
Доминик Ропион и Ана Флипо, креаторите на оригиналниот мирис La Vie Est Belle и сите негови верзии, размислуваа и ја креираа и новата верзија, притоа, на префинетиот вкусен ирис во овогодинешната Intense верзија на парфемот, му ги додадоа интригантниот цвет од тубероза и раскошниот лешник, а се со цел да вклучат нови, сензуални акценти. Во горните ноти се наоѓа исклучително свежото трио составено од бергамот, портокал и круша, збогатени со ноти на горчливи овошни тонови од црна рибизла. Розовиот бибер е неочекуван додаток кој обезбедува еден допир на сјај од радост.
{youtube}pUhSpbiMv10{/youtube}
На крајот, L’Eau de Parfum Intense, е цветен мирис. Топол и нежен на допир. Тој е одраз на неодолива мешавина од софистицираност, елеганција и женственост, создадени за едно ново толкување на белегот кој го создава La Vie Est Belle мирисот.
Заштитно лице и муза на парфемот е Џулија Робертс.