Сите сакаме да имаме рамен стомак, но дoколку мислите дека не можете да го постигнете без вежбање, вие сте во право, но само делумно.
Постојат неколку работи во вашиот живот (не станува збор за храна!) кои треба да ги исфрлите доколку сакате да имате рамен стомак.
#
За да имате рамен стомак, треба да се откажете од цигарите. Мислењето дека со помош на цигари се слабее е изум на тутунската индустрија. Лекарите истакнуваат дека нема никаква врска помеѓу цигарите и слабеењето.
#
Исфрлете го и алкохолот. Покрај високата калоричност, алкохолот често предизвикува и прејадување. Откажете се од пивото, сетете се дека од алкохолот едноставно се дебелее и дека вишокот килограми и маснотиите многу тешко ќе ги отстраните, а ќе морате и напорно да вежбате. Па, вреди ли алкохолот за сето тоа?
#
Можеби ќе ви звучи чудно, но доколку сакате вашиот стомак да биде рамен како „писта“ вие морате да мислите позитивно и редовно да се одмарате. Научниците покажаа како стресот ги покачува процесите кои го зголемуваат таложењето на масните ткива, и тоа најмногу на половината, задникот и колковите. Лекот е само еден – добро расположение без разлика на сите потешкотии и предизвици што ги имате во животот.
#
Еден поприличен важен факт за рамниот стомак е и држењето. Подигната брада, рамен грб, рамениците повлечени наназад.. сето ова помага многу стомачните мускули да работат поинаку. Пазете на вашето држење и од вашиот голем стомак може да остане само едно слабо и бледо сеќавање.
