Малкумина можат да им одолеат на вкусните топли крофнички, а добрата работа е што нивната подготовка воопшто не е комплицирана.
Потребни состојки
50 дкг брашна
12 дкг шеќер
10 дкг путер
4 жолчки
2 дл млеко
2 лажички рум или ракија
4 ддкг свеж квасец
Шеќер од ванила
Кора од лимон
Прстофат сол
Мармелад од кајсии
Масло
Шеќер во прав за попрашување
Подготовка
Најважно е сите состојки да се со собна температура. Во еден децилитар млеко додадете квасец и малку шеќер, потоа измешајте ја смесата и оставете на топло за да се дигне.
Во сад заматете путер, рум, жолчки, кора од лимон, остатокот од млакото и шеќер. Брашното ставете го во длабок сад, додадете сол и потоа додадете ја смесата со жолчките и путерот, т.е. квасецот.
Мешајте ја смесата се додека не почне да се одвојува од садот, а потоа ставете два часа покриена на топло за да се удвои тестото.
Тестото ставете го на работна површина која претходно сте ја побрашниле и направете дебелина со развалување од 1.5 сантиметри. Со чашка или калап направите крофни и потоа прекриете ги со крпа и оставете ги да се подигаат околу еден час.
Во загреано длабоко масло ставете ги крофните (прво горната страна) и пржите ги поклопени додека не поруменеат, па свртете ги и пржете ги од другата страна (не е потребно да ги поклопите). Ставете ги на хартија за готвење да се впие вишокот маснотии па со шприц за крем наполнете ги со мармелад од кајсии (или по ваш избор) и посипете ги со шеќер во прав.
Внимавајте да не се прејадете!
