Три комбинации за деловен look позајмени од Викторија Бекам
Викторија Бекам има префинет вкус за мода кој се базира на класика и елеганција, и со кој се истакна како една од најубаво облечени жени на светот, но и како призната модна дизајнерка.
Кога е во прашање нејзиниот деловен стил, тој со леснотија би можел да се копира, бидејќи содржи парчиња кои лесно можат да се пронајдат во продавниците за улична мода од кои најчесто купуваме (види тука).
Стилот на Викторија се базира на класични и убави парчиња облека без прекумерни излети во екстравагантните комбинации. Таа црниот капут го носи со тесни црни фармерки и салонки со вртоглави високи потпетици со кои таа најчесто ги заокружува своите шик деловни комбинации.
Високите потпетици кои најчесто ги носи Викторија Бекам ја преминуваат должината преку 10 сантиметри. Токму такви екстремно високи потпетици и правеа друштво кога носеше салонки кои ги комбинираше со здолниште со молив крој со разигран леопард принт и едноставна црна долчевита.
Што се однесува до волумензираното и „oversize“ здолниште кое е најновата модна инспирација на дизајнерката, таа совршено го носи во комбинација со бела кошула и црни чизми до глужд со високи потпетици.
Доколку ги анализираме деловните комбинации на Викторија ќе заклучиме дека нејзиниот стил секогаш се базира на совршени комбинации, кои се во склад со трендовите и покрај тоа што се модерни, тие секогаш се во рамките на класичниот елегантен стил. И кога на сето ова ќе ги додадеме нејзините високи потпетици од кои очигледно дека не се разделува – добиваме супер деловен „look“ кој што би можел да го позајми секоја дама.
| види повеќе » |
За повеќе комбинации на Викторија, погледнете ја галеријата …
