Еве како Амал Аламудин дојде до титулата модна икона и која е тајната за нејзиниот природен и префинет изглед.
Покрај тоа што секогаш носи пеубави тоалети, атрактивната сопруга на Џорџ Клуни има и совршен тен, сјајна коса и отмени и елегантни веги. Досега никогаш ја немаме видено со жбунести и несредени веги, иако тоа сега и не е толку страшно, бидејќи природни веги се во мода и многу девојки му се поклонија на овој тренд. Но, нејзините веги секогаш се средени што ги открива нејзините очи и го дава тој префинет изглед.
Розов кармин
Розовата боја е заштитниот знак на адвокатката! Нежниот розов кармин го носи во разни пригоди, а со нејзиниот карамела тен тој одлично стои. Природно и совршено! Покрај ова таа користи и кармин во беж боја, па доколку сакате да го позајмите нејзиниот стил, во вашата козметичка чанта задолжително треба ги имате овие нијанси (види тука).
Фризура како на Кејт Мидлтон
Волуменот е таинствената формула за совршената фризура на Амел. Таа како да ги позајмила советите за коса од Кејт Мидлтон бидејќи бујните бранови се заштитен знак и на војвотката. Па, доколку сакате да изледате префинето и заводливо, впрочем како и овие убавици, тогаш запомнете дека најдобро е кога вашата коса е природна и бујна.
Можеби очекувавме црвен лак или некоја модерна како металик нијанса, но Амел на венчавката носеше неутрален и среден маникир коj одлично се вклопи со бојата на фустанот што го носеше за таа пригода. Тоа само зборува за нејзиниот какрактер, а тоа е елегантност и женственост пред сé.
