Денес ви претставуваме еден едноставен рецепт за чоколадни колачиња кои не содржат глутен и житарки и се одличен избор за луѓето кои избегнуваат или се алергични на глутен.
Останатите воопшто нема да забележат дека колачињата се направени на поинаков начин од вообичаено бидејќи имаат прекрасен богат вкус!
Состојки:
– 2 ¼ шолји ситно мелени бадеми, како брашно
– ¼ шолја какао прав
– 2 лажици мелени зрна еспресо кафе
– ½ лажичка прашок за пециво
– ½ лажичка морска сол
– ½ шолја масло од семе од грозје
– ½ шолја агава нектар
– 1 лажичка екстракт од ванила
– ¾ шолја парчиња чоколадо
Во соодветен поголем сад измешајте ги сувите состојки: бадемите, какаото во прав, прашокот за пециво и солта. Во посебен сад измешајте ги сите мокри состојки. Потоа соединете ги сувите и мокрите состојки и убаво измешајте ја смесата со рака или со жица, и на крајот додадете ги парчињата чоколада.
Потоа земајте со лажица и редете мали купчиња од смесата на тава обложена со мрсна хартија. Печете ги колачињата 7-8 минути во претходно загреана рерна на 170 Ц и оставете ги да се оладат.
Уживајте!
Извор: Elenas pantry
