Зарем ова не е најинтересната пита што сте ја виделе? Не е толку тешко да се направи како што изгледа, а има одличен вкус и можете да ја послужите како главно јадење, кога имате гости, како ужина или како вечера.
Рецептот е италијански, го најдовме на блогот ItalianChips.
Состојки:
За тестото:
· 500 гр. брашно
· 90 мл. ладно цедено маслиново масло
· 200 мл. топло суво бело вино
· 2 лажички сол
Фил:
· 350 гр. варен спанаќ (може и блитва)
· 350 гр. рикота сирење (или слично, на пример нашата урда)
· 1 јајце
· 100 гр. изрендан пармезан
· Лебни трошки
· Сол и бибер
Измешајте ги сите наведени состојки за тестото и месете со раце или миксер додека не добиете уедначено тесто, па покријте го со пластична фолија додека го подготвувате филот.
Сварете го спанаќот и убаво исцедете го, па иситнете го со нож. Измешајте го со рикотата и додадете го и јајцето. Потоа додадете и 100 гр. изрендан пармезан, сол и бибер и се убаво измешајте.
Загрејте ја рерната на 180Ц. Поделете го тестото на 2 еднакви делови и со сукалка направете од нив кругови со пречник околу 30 цм. Во округла тава премачкана со масло ставете го едниот круг тесто и посипете малку лебни трошки на него. Дел од филот, како едно топка, ставете во средината на кругот од тесто и околу таа топка направете обрач од остатокот на филот (видете ја фотографијата).
Целосно покријте со другиот круг од тесто и спојте ги краевите со вилушка или нож за пица. Во средината ставете поголема шолја и притиснете ја за да се издвои топката со фил во средината. Добиениот обрач исечете го на еднакви растојанија, од по околу 3 цм, па малку извртете, односно закосете ги. Печете ја питата 30 минути во загреана рерна (или додека не зарумени, во зависнот од рерната).
