За да ги направите овие прекрасни бајадери нема да ви биде потребен миксер, ниту пак треба да ги печете.
Овој прекрасен чоколаден десерт кој подеднакво го сакаат и постарите и помладите можете да го подготвите според оваа едноставна рецепта за само 20 минути.
Состојки:
– 9 лажици вода
– 200 гр. шеќер
– 150 гр. мелени ореви, бадеми или лешници
– 250 гр. мелени бисквити
– 170 гр. путер
– 100 гр. чоколада за готвење
– малку рум
За глазура:
100 гр. чоколада за готвење
– малку масло
Подготовка:
Во соодветно тенџере ставете ги водата и шеќерот и загрејте на тивок оган додека шеќерот потполно не се растопи. Додајте го путерот, тргнете го тенџерето од огнот и мешајте додека не се растопи. Кога путерот целосно ќе се растопи додадете ги оревите и бисквитите и мешајте додека не добиете густа воедначена смеса. Добиената смеса поделете ја на два еднакви дела. Чоколадото стопете го на пареа и измешајте го со првиот дел од смесата, а во вториот додадете малку рум. На чинија ставете мрсна хартија за печење и ставете го првиот дел од смесата (со чоколадото), со рацете оформете квадрат и горниот дел и рабовите израмнете ги со нож. Врз него на ист начин поставете го и вториот дел и исто обликувајте го и израмнете го. Остатокот од чоколадото стопете го на пареа, додајте малку масло па прелијте ја бајадерата. Готовата бајадера оставете ја во фрижидер да се стврдне, а наредниот ден исечете ја на коцки или правоаголници со големина по ваша желба.
