Погледнете ги фотографиите кои се пооставени на изложбата на отворено „Арт Ограда“ составена од 16 големи пано-фотографии од креациите на модните дизајнери-учесници на претстојниот Моден викенд Скопје.
Изложбата е поставена на оградата на „Архив на Град Скопје“, односно на аголот на улица Московска и булеварот Партизански одредиво општината Карпош. Фотографиите ќе можат да се видат се до 22 ноември.
На отварањето на изложбата која Моден викенд Скопје ја организираше во соработка со Општина Карпош присуствуваше и градоначалникот на општината Стевче Јакимовски како и Бранка Доневска-Најдовска, главниот уредник на „Теа модерна“ , како генерален медиумски покровител на проектот.
Презентираните креации се на дизајнерите : Лидија Георгиева која во својата креација ја „облече“ актерката Дарја Ризова, актерката Ивана Павлаковиќ во модел на Јована Филиповиќ поддржана од „Bauerfeind“ а за „Le Brand“ во улога на модел се појавува победничката на првото издание на „Танц со ѕвездите“ во Македонија – Јована Василева. Дизајнерката Митковска се фотографираше во модел од својата најнова колекција за „Vibrazioni by Aleksandra Mitkovska “ на која се принтови од фотографиите на Милчо Манчевски и е поддржана од „Nescafe Dolce Gusto“.
Дизајнерските парчиња ги носат и манекенките од модната агенција „Подиум“: Моника Илиевска, Рене Вајт, Јорданка Михајловиќ и Фаниа Гиачо од дизајнерите Ирина Тошева поддржана од „My:Time“, Олгица Ѓоргиева поддржана од „Oxette“, „Mcouture by Mila Kadriu“, Стефанија Насеска, Никола Петровски, Оливера Штакоска, Инес Шабан, „JZJ by Zlatko Jovanovski“, Росица Мршиќ, „Kufer by Andriana Dineva“ и модната продавница за детска облека „Софиленд“.
За изгледот на девојките се погрижи АVON во соработка со тимот на „Академија Леонтиќ “ и „Бубе Студио Ин“ во соработка со „Lakme“.
Фотографите се направени на осум локации во Карпош , односно во : ОУ „Јан Амос Коменски“, покрај жардиниерите на булевар Партизански одреди, во паркот „Карпош 3“, плоштадот „Делфина“ во населбата Влае, на кружниот тек помеѓу улица Париска и улица Варшавска, во дворот на црквата „Св. Пантелејмон“, пред зградата на булевар Партизански одреди бр. 59 (поранешен „Мал одмор“) и платото „Млечен ресторан“.
Фотографиите ги направија Марко Маркоски, Стефан Николовски и двоецот „Ани и Дими“.
