Поезија од Ј. Т. Етернијант, е објавена во новиот број на непалското списание за литература, култура и уметност „Апликант“.
Истото излегува на англиски јазик, со што придонесува за мегународна афирмација на непалската литература и интензивирање на културната размена. „Апликант“ објавува поезија и проза од познати светски автори, освен дела на писатели од Непал преведени на англиски јазик. Така заедно со поезијата на македонскиот поет, во најновиот број на списанието се наоѓаат и песни на ирскиот поет и романсиер Џерард Бирн, прогласен за писател на годината од „Sunday Tribune“, канадската поетеса Ферн Кар, избрана за „Поет во резиденција“ на Лигата на канадски поети минатата година и др. квалитетни познати автори.
Претходно избрани песни од Етернијан препеани на романски јазик се појавија на романскиот книж. портал „Република Артелор“ (Уметничка република).
Негова поезија има објавено и во декемврискиот број на американското списание “Foliate Oak”, под издаваштво на Универзитетот на Арканзас, кое е вклучено во наставата по креативно пишување.
Јовица Тасевски – Етернијан е автор на 6 поетски и 2 критично–есеистички книги. Неговата поезија е дел од повеќе антологии, препеана е на англиски, француски, руски, полски, романски, грчки, словенечки, хрватски, српски и бугарски јазик. Тој е добитник на индиското признание „Восхитувачки поет“, кое се доделува за исклучителен придонес во современата поезија.
Закачете Like, споделете текст и освојте некоја од нашите вредни награди.
За повеќе информации разглeдајте го Shopping Magazine кој оди од сега и на Facebook!
Врати се на првата страна.
