И камен ќе заплаче – ова куче сè уште чека љубов од сосетката која починала (Видео)

Во свет каде секојдневно сведочиме на брзина, површност и дистанца, едно мало куче со име Хани стана симбол на верност и тивка тага. Вирална видеоснимка објавен од Абигел Мороу,  сопственичката на кучето, ја прикажува Хани како секое утро оди до оградата – токму онаму каде ја чекала својата стара пријателка, 94-годишната Една, која неодамна почина.

Секоја зора за Хани започнува со истата надеж: дека познатиот глас и рака што некогаш носела колаченце, но и нежно милување, повторно ќе се појават. Иако Една повеќе не е меѓу живите, Хани сè уште гледа во оградата, лае и ја чека.

Токму таа сцена ја допре јавноста. Видеото собра над 33 милиони прегледи за само четири дена на Тикток, а корисниците реагираат со тага и благодарност за споделената вистинска приказна.

Абигел објасни дека Една и Хани имале исклучително силна врска. Секое утро Една доаѓала до оградата за да ја почести Хани и да ја погали. Со текот на времето, тие создале навика која била повеќе од ритуал, чист израз на пријателство.

„Се простија“, вели Абигел. „Семејството на Една нè извести кога нејзината состојба се влоши и нè праша дали може Хани да ја посети. Таа ја нушна, ѝ ја бакна раката и се прости од неа. Тоа беше момент полн со нежност.“

Видеото дополнително доби тежина откако се јави и внучката на Една, Сузан, која напиша:
„Плачам, но ти благодарам што го сними видеото. Мојата баба навистина ја сакаше Хани.“

Во едно едноставно секојдневие – куче, ограда и отсутна рака – Хани секој ден нè потсетува што значи приврзаност. А понекогаш, токму тишината на чекањето зборува најгласно за љубовта што останала.