Станува сè попопуларна меѓу славните личности и фитнес ентузијастите ширум светот, т.н. диета што го имитира гладот (Fasting Mimicking Diet – FMD), позната и како „бразилска диета“. Во тренд е токму поради нејзините драматични ефекти врз масните наслаги околу стомакот, без губење на мускулна маса.
Овој петдневен режим започнува со внес од 1.100 калории првиот ден, а потоа од вториот до петтиот ден се сведува на околу 800 калории дневно.
Advertisement
Исхраната е строго базирана на растителна основа, минимален внес на шеќери и протеини, со висока нутритивна вредност во мали количини.
Оригиналниот концепт го потпишува професорот Валтер Лонго, биогеронтолог и директор на Институтот за долговечност на Универзитетот во Јужна Калифорнија. Неговата цел била да создаде диета што ќе ги донесе придобивките од постот, како согорување масти, обновување на клетките и намалување на воспаленија, но без вистинско гладување.
Кој ја практикува оваа диета?
Овој режим стана омилен меѓу многу познати личности – Џенифер Анистон, Гвинет Палтроу и Хали Бери се само дел од ѕвездите кои јавно го поддржале овој начин на исхрана.
Велат дека не само што им помага да ја одржат фигурата, туку и да се чувствуваат помладо и со повеќе енергија.
Што добивате со оваа диета?
Истражувањата покажуваат дека FMD:
го обновува имуниот систем
ја намалува биолошката старост и до 2,5 години
го регулира крвниот притисок и холестеролот
го намалува хормонот IGF-1 (поврзан со рак)
ја зголемува продукцијата на матични клетки
значително ги топи мастите на стомакот
Што се јаде?
Оброците вклучуваат смути од зеленчук, салати со киноа, јадења со тиквички, печурки и супи од леќа. Постои и комерцијална верзија – ProLon пакетот, кој содржи точно одмерени оброци за пет дена.
Како изгледа менито по денови?
Ден 1 – до 1.100 калории
Појадок: Зелено смути (спанаќ, краставица, целер, лимон и малку авокадо)
10 бадеми
Чаша зелен чај (без шеќер)
Ручек: Чорба од леќа, морков, целер и домат
Половина авокадо со лимон и сол
Интегрален крекер (без шеќер)
Ужина: Малку хумус (30g)
Неколку стапчиња од краставица или целер
Вечера: Варени тиквички и брокула со маслиново масло
Чаша камилица
Ден 2 до 5 – до 800 калории дневно
Појадок: Чиа пудинг (2 лажици чиа + растително млеко + малку цимет)
Чаша зелен чај
Ручек: Супа од домати и печурки
Мала салата од киноа, краставица и магдонос со маслиново масло
Ужина: Неколку маслинки или 5-6 ореви
Вечера: Варени карфиол и тиквица
½ чаша варен зеленчук по избор
чај од билки
Корисни совети:
Пијте многу вода (2-3 литри дневно)
Чај без шеќер е дозволен
Не додавајте шеќери, мед или засладувачи
Солете умерено
Без кафе и без алкохол
Без животински производи (млеко, месо, сирење)
Диетата се повторува еднаш месечно (5 дена), во тек на 3 до 4 месеци за максимален ефект.
Зошто FMD е поразлична од класичниот пост?
За разлика од класичниот пост каде што не се јаде ништо, FMD му „лажира“ на телото чувство на глад – што доведува до автофагија (чистење на клетките), без мачење и ризици. Поради тоа, диетата е погодна и за оние што имаат активен животен стил.
Овој режим не е магично решение, но е една од најпаметните и научно поддржани диети за топење на салото и продолжување на животниот век. Особено ако се практикува еднаш месечно во период од неколку месеци.
Совет: Пред да започнете со диетата, задолжително консултирајте се со нутриционист или лекар, особено ако имате хронични заболувања или ако пиете терапија.
