Тајната состојка што го прави месото неверојатно меко и сочно – сите ја имаме при рака, а не ни текнало на неа

Постојат некои состојки што на прв поглед изгледаат обично, но се вистински јунаци во кујната. Една од нив, бела прашеста материја која често ја користиме дома за различни намени, може да ви стане незаменлив сојузник при подготовката на месо.

Станува збор за сода бикарбоната. Со своето посебно хемиско дејство, таа помага месото да стане највкусно – меко и сочено, особено кога го подготвуваме на висок оган или за кратко време.

Оваа метода, со употреба на сода бикарбона во подготовка на месо, е особено популарна во азиската кујна, каде што се користи за да се постигне препознатливата „лелеава“ текстура кај пилешкото, говедското или свинското месо.

Начинот на употреба е едноставен: месото се сече на тенки парчиња, па се премачкува со мала количина со сода бикарбона – приближно половина до една кафена лажичка на 500 грама месо. Потоа се остава да отстои од 15 до 30 минути, по што се мие добро и се суши пред понатамошна подготовка.

Важно е да не се претерува ниту со количината, ниту со времето на дејство, затоа што премногу од оваа состојка може да остави непријатен вкус и да го направи месото премногу меко.

Но, кога се користи правилно, резултатите се одлични: дури и поевтините и потврдите парчиња месо стануваат нежни, меки и вкусни, без потреба од долго маринирање или бавно готвење.

Сода бикарбоната, покрај тоа што е позната како додаток при печењето или за отстранување непријатни мириси во домаќинството, може да биде и дискретен, но многу ефикасен помошник во создавањето на вистински гурмански специјалитети.

Како да ја употребите оваа тајна состојка при подготовка на месо?

Подготовка на месото: Исечете го месото на тенки парчиња или траки, бидејќи тенките парчиња подобро ја впиваат сода-бикарбоната и овозможуваат рамномерно дејство.

Нанесување: Земете приближно половина до една кафена лажичка сода бикарбона за секои 500 грама месо. Со прсти или мала лажичка, нежно втријте ја во месото. Внимавајте количината да биде мала, за да не омекне месото премногу.

Време на делување: Оставете го месото да отстои на собна температура од 15 до максимум 30 минути. Ова време е доволно за да ја омекне површината, но не и да ја наруши структурата на месото.

Испирање: По одлежувањето, добро измијте го месото со ладна вода за да ги отстраните останатите остатоци од прашестата материја, односно од сода бикарбоната. Овој чекор е важен за да се избегне евентуален непријатен вкус.

Сушење: Исушете го месото со кујнска хартија пред понатамошна подготовка. Сувата површина помага месото да добие убава кора при пржењето или печењето.

Печете или пржете: Подгответе го месото како што обично правите – на тава, на скара или во рерна. Забележете дека со оваа техника месото ќе остане особено сочно и нежно, дури и при брза термичка обработка.

Внимание: Не користете поголеми количини од препорачаниот минимум и не оставајте го месото да стои подолго од 30 минути, бидејќи тоа може да ја наруши текстурата и вкусот.

Со правилна употреба, оваа едноставна, а сепак моќна техника ќе ви помогне да го извлечете максимумот од месото, особено од потврди, постари и поевтини парчиња, без долго маринирање или посебна подготовка.