Најтажната објава на Џамбо на неговиот Фејсбук што многумина расплака – голема тага што не минува
И денес со неверување и тага се сеќаваме на страшниот настан што се случи на 18 март во Кочани
И денес немаме зборови како да ја опишеме оваа болка и тага, и денес сме лути, гневни и разочарани, како што бевме и тогаш. Впрочем вака некако гласи и почетокот на пораката што Џамбо Агушев ја напиша веднаш по страшната несреќа што се случи во дискотеката Пулс во Кочани, а со која познатиот македонски музичар изрази сочувство до семејствата и блиските на неговите колеги, другари, но и до сите луѓе што загинаа во страшната несреќа…
Наскоро ќе поминат три месеци од страшната трагедија што се случи во Кочани кога настрадаа 62 лица, а многумина се уште се во болница.
Оваа трагедија го потресе целиот регион, а градот Кочани го завеа во црно и остави бројни семејства во огромна болка.
Фејсбук/ Џамбо Агушев
Во несреќата загинаа и осум членови од бендот ДНК, меѓу кои и Андреј Ѓоргиески, еден од двајцата фронтмени на бендот.
Што се однесува до Владимир Блажев познат како Панчо, тој успеа да ја преживее несреќата, но, за жал, се уште е во болница.
Фејсбук/ Џамбо Агушев
По несреќата, многу познати лица се огласија и споделија тажни пораки, а многу од нив беа и мошне блиски со настраданите членови од бендот, па и денес тагуваат што ги нема.
Мошне близок со сите нив беше и музичарот Џамбо Агушев, кој заедно со својот оркестар соработуваше со нив и на нивната најпозната песна.
Станува збор за песната „Ако утре ме нема“ под која денес на Јутуб можат да се прочитаат бројни тажни пораки, а со која музичарите и овој бенд ќе остане засекогаш запаметен каково Македонија, така и во регионот.
Со тажна порака тогаш од бендот се прости и музичарот Џамбо Агушев, а истата деновиве случајно ни се појави на Фејсбук.
Фејсбук/ Џамбо Агушев
Пораката на Џамбо до неговите колеги со кои беше близок како да се браќа нема да ја споделиме, бидејќи неговите зборови и денес болат (види тука). Тој тогаш беше скршен од болка, па наместо неговите тажни зборови решивме да ја споделиме песната на ДНК во која тој беше гостин, а се со цел да се потсетиме на нив, на една од нивните најубави песни, но и на сите жртви од несреќата.
И повторно да запалиме свеќа, да се помолиме за нивните души, но и за членовите на нивните семејства да најдат мир.
И секако да не ги заборавиме и оние што истата ја преживееја, а на кои во моментoв се уште им е потребна помош.
Нив најмалку треба да ги заборават одговорните во ова држава, кои треба да направат се како би им го олесниле лекувањето.
Не треба да ги заборавиме и сите ние останатите и секогаш кога можеме, да помогнеме со донации, кој колку може.
Тоа може да го направиме и преку платформата „Супорт Кочани“ (види тука), но и со купување хуманитарен билет за Д ФЕСТИВАЛ, најголемиот летен open-air фестивал во Македонија кој оваа година ќе се одржи од 4 до 6 јули во Штип. Овој фестивал ова лето ќе биде бесплатен за сите посетители, но со можност за купување на хуманитарен билет – сите собран средства ќе бидат наменети за иницијативата „Супорт Кочани“ и за помош на настраданите во пожарот.
