Наједноставен евтин рецепт за чоколадниот луксуз што го освои светот – Дубаи чоколада, десертот што изгледа како злато и се топи како грев
Интернетот секои неколку месеци избира нова слатка опсесија, а во последно време социјалните мрежи не престануваат да зборуваат за еден единствен десерт – Дубаи чоколадата.
Овој кремаст, богат и визуелно луксузен десерт стана вистински вирусен хит, благодарение на својата едноставна подготовка и вкус кој потсетува на најдобрите рачно правени пралини.
Дубаи чоколадата се подготвува без печење, изгледа како десерт од гала свеченост, а вкусот ја оправдува секоја секунда помината во кујната.
Advertisement
Ви ја носиме и адаптираната верзија на рецептот, со состојки достапни и кај нас:
Потребни состојки:
– 200 г кадаиф (може да се замени со 200 г мелени бисквити)
– 100 г стопен путер
– 2 лажици шеќер
– 100 г крем од ф’стаци
– 200 г чоколада за готвење (темна или млечна)
Подготовка:
Кадаифот се дроби со рака, па се меша со стопениот путер и шеќерот. Смесата се пржи во тава додека не добие златна боја и крцкавост.
Чоколадата се растопува и рамномерно се нанесува на силиконски калап. Се става во замрзнувач 10 минути да се стврдне.
Во меѓувреме, кадаифот префрлете го во поголем сад и додадете го кремот од ф’стаци. Промешајте.
Распоредете го филот од кадаиф и кремот во калапот со чоколадо, па прелијте со остатокот од растопената чоколада.
Вратете го во фрижидер да отстои три часа, или уште подобро – преку ноќ.
Ако сакате да ги импресионирате гостите со нешто невообичаено, а сепак едноставно, ова е вистинскиот избор. Дубаи чоколадата е новата кралица на домашните десерти.
Пробајте ја – но внимавајте, создава зависност!
