Автомобил за Теодора од Валандово, а на кого ќе му се падне станот? – Стефан Лазаров го почна јубилејот со голем подарок

Во ресторанот „Ragusa 919“ во Скопје, вчеравечер се одржа настан како најава за гала вечерта „Lazarov Awards 2025“, по повод петгодишниот јубилеј на Јутјуб каналот на Стефан Лазаров.

Главен момент на вечерта беше извлекувањето на добитникот на автомобил Peugeot 3008 (2020), што ѝ припадна на 21-годишната Теодора Димова од Валандово. Освен автомобилот, беа доделени и мотор од салонот Shineray, како и мобилен телефон RedMi Note 13C.

Настанот беше збогатен со настапи на Мики Секуловски и Хепи Енд Бенд и се пренесуваше во живо на Јутјуб.

Гала вечерта е закажана за 18 јуни, кога ќе се одржи најголемиот giveaway досега – со главна награда стан од 36 m² во Ченто, како и автомобил Renault Clio 2018 и други вредни подароци.