Каролина со нова песна и видеоспот – „Мог живота дио“ премиерно на Јутјуб (Видео)

Каролина Гочева, една од најпознатите македонски пејачки, ја израдува својата публика со нов музички проект. Вечерва, точно во 19 часот, на нејзиниот официјален Јутјуб канал беше објавен нејзиниот најнов видеоспот за песната „Мог живота дио“, кој веднаш предизвика позитивни реакции кај обожавателите од целиот Балкан.

Во описот на песната, Каролина откри дека уште од првиот момент почувствувала силна поврзаност со ова дело:

„Беше љубов на прво слушање… Песната ја снимив пред повеќе од една година, а видеото следеше наскоро потоа. Искрено се надевам дека ќе ве допре исто како што ме допре и мене,“ напиша таа на социјалните мрежи.

Текстот и музиката за „Мог живота дио“ ги потпишува Дино Мухаремовиќ, додека за аранжманот се погрижил Дино Шукало. Режисер на видеоспотот е Миомир Милиќ, кој со визуелниот приказ доловил интимна и емотивна атмосфера што совршено се вклопува со темата на песната.

Обожавателите веќе го преплавија видеото со коментари на благодарност, поддршка и восхит, поздравувајќи го стилот и искреноста што Каролина традиционално ги носи во своите изведби.