Прв Велигден без Саша – се огласи ќерката Александра со фотографија од семејната вила

Семејството на Саша Поповиќ го дочека првиот Велигден без него. Во нивниот семеен дом владее тага поради заминувањето на естрадниот маг, кој почина на 1 март во Париз по кратка и тешка болест, но неговото семејство сепак го одбележа најголемиот христијански празник.

Неговата ќерка Александра Поповиќ се огласи на Инстаграм. Објави фотографија од семејниот дом, поточно како ги вапсаат јајцата и ја декорирале трпезата, а со објавата им го честиташе празникот на сите.

– Среќен Велигден, луѓе. Христос воскресе – напиша таа, означувајќи ја и својата мајка Сузана Јовановиќ, со која, очигледно, ги вапсувале јајцата.

Нивната снаа Тијана покажа што има на велигденската трпеза.

Минатата година Сузана зборуваше за тоа како се слави Велигден во нивниот дом.

– Тоа е најголемиот христијански празник, Воскресението на Господ Исус Христос, и мислам дека треба да се прослави во кругот на семејството. Фарбањето јајца на Велики петок е задолжително, тоа е моја обврска. Полека се подготвува велигденската трпеза, се меси погача. Секако, треба да има месо на трпезата – ние ќе имаме телешко, така се договоривме. Обично се подготвува прасечко или јагнешко, но последно време не јадеме многу месо, па ќе ставиме само малку, заради празникот. Малку телешко, млади компирчиња, супа и сезонска салата – и тоа е тоа – зборуваше Сузана минатата пролет за „Гранд“.