Рецепт за најбрзиот чизкејк, се прави само од 3 состојки – а, се топи во уста!
Совршено решение кога немате време, а сакате нешто слатко и вкусно!
Чизкејкот важи за малку „незгоден“ десерт – бара време, трпение и прецизност. Сепак, останува еден од најомилените десерти, па често се подготвува за празници како Велигден.
Но, постои јапонска верзија на чизкејк која ќе ве воодушеви: потребни ви се само три состојки и многу малку труд! Еве како се прави:
Потребни состојки:
3 јајца
120 грама чоколадо
120 грама крем сирење
Постапка:
Загрејте ја рерната на 170°C.
Чоколадото стопете го на пареа, додајте го крем-сирењето и измешајте додека се соедини.
Тргнете од пареа, додадете ги трите жолчки и промешајте.
Белките изматете ги во цврст снег. Прво додадете една третина од снегот во смесата со чоколадо и нежно промешајте. Повторете ја постапката уште двапати додека убаво се соедини сè.
Калапот за торта обложете го со хартија за печење, истурете ја смесата и неколку пати удрете го калапот од масата за да излезе воздухот.
Ставете го калапот во подлабок плех наполнет со топла вода и печете 15 минути на 170°C, потоа намалете на 160°C и печете уште 15 минути.
Исклучете ја рерната, но оставете го колачот внатре уште 15 минути.
Извадете, оставете да се олади – и уживајте во наједноставниот чизкејк што сте го направиле!
