Што треба веднаш да исфрлите од дворот – ќе бидете посреќни ако ги направите овие 3 работи
Еве што треба да исфрлите од дворот со првите потопли денови за просторот да стане пофункционален, поубав, а вие посреќни во него.
Пролетта е идеално време за уредување на дворот – една од најважните активности кога сонцето се враќа, деновите се продолжени, а градината се буди во сите нијанси на зелено. Тоа е моментот кога во нас природно се јавува желба да го средиме својот мал рај под отворено небо.
За многумина, градинарството не е само хоби – тоа е ритуал на смирување, можност да се забави темпото, да се почувствува земјата под нозе и ритамот на природата.
Но, за градината навистина да биде извор на мир и радост, мора да се ослободиме од сè што создава хаос. Работите што веќе ја изгубиле својата функција не носат ништо освен визуелен и енергетски застој.
Еве што треба да исфрлите од дворот со првите потопли денови за просторот да стане пофункционален, поубав, а вие посреќни во него:
Скршени саксии
Можеби е разумно да чувате саксии за нови растенија, но што правите со оние напукнати, со излупена боја или остри рабови што можат да ве повредат?
Тие не се ниту безбедни, ниту убави. Оставете ги само оние што со гордост би ги ставиле на видно место.
Суви и свенати растенија
Без разлика дали се смрзнале преку зима или ги изненадил пролетниот мраз, мртвите растенија немаат што да бараат во вашиот двор.
Ослободете го просторот за нови садници и запомнете што не функционирало, за следниот пат да бидете поподготвени. Во оваа категорија спаѓа и старото семе со поминат рок – фрлете го!
Дотраени алати и опрема
Р’ѓосани ножици, ракавици со дупки, црева што прокапуваат – сето тоа само ви создава дополнителна мака. Задржете го само она што навистина работи. Ако имате алатки дупликат, оставете ги оние што ги користите најчесто, а останатите подарете ги на соседите.
Тешко е да се разделиме од работи што не ни изгледаат како ѓубре, но всушност се токму тоа. Ѓубрива за растенија кои веќе ги немате, држачи за саксии што не ги користите – сето тоа може да е корисно, но не и за вас. Понудете ги на некој што ќе ги искористи, а вие уживајте во она што навистина ви служи – секојпат кога ќе стапнете во дворот.
