Какви се бебињата родени во април? Од една посебна причина – „лажицата им паднала во мед“

Еве какви карактеристики им се припишуваат на децата родени во април. Пролетта е тука, а за многумина е уште попосебна затоа што токму тогаш очекуваат бебе – или веќе имаат дете родено во овој месец.

Априлските бебиња навистина се посебни на некој начин – многу се среќни, оптимисти се, тешко се „вадат од такт“, а еве и уште неколку интересни факти за децата родени во април.

Родени лидери

Според истражување од Бизнис школата Саудер на Универзитетот во Британска Колумбија, бебињата родени во април имаат поголеми шанси во иднина да достигнат високи позиции во корпорации отколку оние родени летно време.

Истражувачите анализирале датуми на раѓање на стотици директори меѓу 1992 и 2009 година и заклучиле дека причината е тоа што априлските деца често се меѓу најстарите во одделението, што им дава предност и можност да се истакнат како лидери уште од рана возраст.

Во хороскоп – Овен или Бик

Бебињата родени од 1 до 21 април се Овни – хороскопски знак познат по самодоверба и активност. Но, токму поради тие особини, може да бидат и прилично „предизвикувачки“ во раното детство.
Оние родени од 22 април до крајот на месецот се Бикови – среќни, приземјени и оптимисти, но исто така и тврдоглави и добро ситуирани зашто парите им се многу важни и знаат да ги заработат, според астролозите.

Добро здравје

Студија спроведена во Њујорк во 2015 година покажала дека децата родени напролет имаат помал вкупен ризик од здравствени проблеми.

Кога станува збор за астма, истражувачите сметаат дека изложеноста на прашина и алергени во првите два месеца од животот може да го зајакне имунолошкиот систем.

Големи оптимисти

Се смета дека годишното време на раѓање може да влијае на личноста. Па така, априлските бебиња буквално се „родени под среќна ѕвезда“ – нивната „лажица паднала во мед“.

Бебињата родени во март, април и мај постигнуваат високи резултати на скалата на хипертимија, што значи – се родени оптимисти.