Келнерот во шок кога виде што му оставиле – НАМЕСТО БАКШИШ, еве што добил од гостите (видео)
Не се сите луѓе исти...
Еден келнер кој работи на Меѓународниот аеродром во Лос Анџелес бил во шок кога видел што му оставиле за бакшиш.
Келнерот Гиљермо Ортиз кој работи во ресторанот „Планет Холувуд“ непријатно се изненадил кога гостите што ги послужил, наместо бакшиш му оставиле лист хартија со порака која што го запрепастила.
Како што вели тој за KTLA се било во ред додека ги послужувал и не се пожалиле на ништо, ниту на услугата, ниту пак на храната.
Но сепак, откако им ја донел сметката, според нивниот говор на телата, се посомневал дека нешто не е во ред.
Но дури откако го отворил тефтерчето што им го оставил на масата, а во кое било сметката и во кое се става бакшиш, ја пронашол пораката заради која се почувствувал лошо, вели тој, пренесе Индекс.хр
Прв пат му се случило вакво нешто
Имено, во пораката пишувало : „Нема бакшиш за илегалци. Врати се во Мексико“ изјави келнерот подоцна за медиумите.
Ортиз нагласи дека воопшто не е Мексиканец, туку Порториканец. Ама неговата сопруга навистина е Мексиканка, но никој нема право така да се однесува со луѓето, посебно не во една демократска земја.
Од друга страна тој нагласи и дека секој има можност да го одбие автоматскиот бакшишот од 18.5 проценти кој е пресметан во цената доколку не се задоволни со износот, што гостите на крај и го направиле. Но едноставно не морале да остават таква порака, заради која некој друг ќе се чувствува лошо.
„Како келнер работам од 2014 година, но вакво нешто досега ми се нема случено“, изјави Орти неодамна за медиумите.
Фото: Фрипик
Не се сите луѓе исти
Од друга страна овие денови уште еден ваква слична ситуација беше вирална, но овој пат истата се случи во регионот.
Поточно во Хрватска, односно во една бензинска пумпа, во која вработениот по грешка му вратил повеќе пари на муштеријата.
Како што раскажа тој на „Реддит“, требало да плати сметка од 111 евра, па на продавачот му дал банкнота од 200 евра.
Тој го прашал случајно дали има едно евро, по што муштеријата отишол до автомобилот и се вратил со еврото, а продавачот му вратил 190 евра. Значи цели 100 евра вишок.
„Ги ставам во паричникот и гледам… Чекај малку, колку ми врати? 100 евра повеќе? Човекот гледа, да, леле.. и му ги враќам тие 100 евра, и колешката негова исто така веднаш ми се заблагодарува“, пишува тој. Овој корисник на Редит потоа својата порака ја заврши со прашањето: „Дали и вие ќе му кажете на трговецот ако ви врати повеќе пари?“
Оваа порака предизвика полемика, а многумина се согласни дека се уште има чесни луѓе меѓу нас, но имаше и такви кои коментираа дека тоа не е никакво добро дело, туку ваквите ситуации треба да ни бидат нормални и секој треба да ги врати парите.
Што мислите вие и за двата примера?
Дали гостите требало да му дадат бакшиш на келнерот или едноставно да не го платат, но без да го навредат и дали муштеријата што му ги вратил парите на вработениот згрешил?
